Yol: Zahir Əzəmətin şəxsi blogu

Zahir Əzəmətin şəxsi blogu

Küçə

Hazırladı: Şəms El

Açar sözlər:

Qadın sözlüyü

bizi tərk edən qadınlarla gedən
yalnız ümidlər deyil hər dəfəsində
sevişdiyimiz yerlər də yoxa çıxır

Davamı...

Açar sözlər:

Uşaq, Gənc, Qoca

uşaq idim
siyib
qar üzərində qonşu qızının adını yazardım
hərdən də yaz günlərində
bahar qoxuyan kənd yollarına

Davamı...

Açar sözlər:

bunu bilməlisən-
kədərli olduğunu gizlətməlisən,
üzündə təbəssümlə parçalanmalıdır ürəyin
içindəki yanğınla gülməlisən insanların üzünə
içindəki alovla!

özünü topla, salam de hər kəsə
"bu gün hava gözəldir"
"sən də şık görünürsən" söylə iş yoldaşına
duymasın, bilməsin kimsə
içindəki atəşi!
sümüyünə işləyən kədəri!

bu həyatdır!
meqapolisə kədər yaddır.

Davamı...

Açar sözlər:

Uçqun divarlar

İçimdə bir qaranlıq,
İçimdə bir yuxu var.
Uçurumlar içində
Uçuram divar-divar.

Susadım səhərlərə
Susadım yağışlara
Bu ara sən də yoxsan-
Səhradan betər oldum.
İçimdə bir qaranlıq
İçimdə bir yuxu var
Bu yuxudan yoruldum
Bu şəhərdə heç kiməm,
Bu şəhərdən yoruldum Davamı...

Açar sözlər:

Sən və ayaqqabım

sevmirsən sevmə
daha yuxularıma girib
ujas filmlər niyə göstərirsən

sən gedəli onsuz da
televizorum xarab olub
mırıq dişləriylə sirk göstərən
məmiş kişi də öldü
son günlər isə yenə kəskin düşüb
Nyü-York birjasında
Bir azərbaycanlının dəyəri Davamı...

Açar sözlər:

Tənqidçi baxışı

DİVAR YAZILARI VƏ YA KİRLİKİR ÜÇÜN DELETE

Aydın Talıbzadə

Şeirlər yalan deyə bilər…
Romanlar yalan danışa bilər…
Qəzetlər yalan yaza bilər…
TV-lər yalan söyləyə bilər…
Divar yazıları yox…
Onda sən divar yazılarını oxu, məmləkətim: özünü tanıyacaqsan. Qorxma, bu sənsən və Zahir Əzəməti də sən doğmusan.
Davamı...

Açar sözlər:

Noyabr Nəğməsi

Hazırladı: Şəms El

Açar sözlər:

Mövzularımız Biləcəriyə qədər olduğu üçün, auditoruyamız da ora qədərdir

Zahir Əzəmət: "Dövlət Rafiq Tağı olayından qeyri-rəsmi yolla, heç olmasa, bir yazıçımızın dünyaya çıxması üçün fürsət kimi istifadə edə bilərdi"

Elnur Astanbəylinin müsahibi şair Zahir Əzəmətdir

   - Zahir bəy, günümüzün ədəbi prosesinin ümumi mənzərəsini bir neçə cümlədə necə ifadə edərdiniz?
   - Qısamüddətli durğunluqdan sonra, ədəbi prosesdə yenidən bir canlanma yarandığı aydın görünür. Yenidən ədəbiyyat qəzetləri və səhifələr nəşr olunmağa başlayıb. Ədəbiyyatla bağlı internetdə bir neçə sayt yaranıb. Bu yaxşıdır, amma bu canlanmadan necə yararlanacağımızı indidən demək tezdir. Əsas odur ki, istənilən ictimai sahədə nifrət etdiyim sükut ədəbiyyatda pozulub.

Davamı...

Açar sözlər: